伊甸園 塞舌爾(4) – Praslin Island的神級酒店Constance Lemuria Resort

塞舌爾最美的沙灘之一Anse Georgette

Constance Lemuria Resort是Praslin Island最貴的酒店，包圍着塞舌爾最美的沙灘之一Anse Georgette，當正個沙灘係自己嘅一樣，非住客要到Anse Georgette都要同佢預約和在大門登記。話佢係神級酒店，唔只係因為佢最平房郁郁都要HK$6769一晚，而且係因為佢收得人咁貴，但啲房卻又細又普通，完全冇貴氣，卻又奇在極多老外幫襯，連一向精明的小太熊今次都中了伏幫襯了一晚(因為這酒店的網上comment和香港傳媒評價都極高)，我實在晤明解。

伊甸園 塞舌爾 – Day 4

<<Praslin Island>>

今朝07:00起身，第一件事係游返轉水。

早餐好豐富，但味道比唔上昨日Banyan Tree的早餐。

有中式點心和我最Like的Sparkling Wine，露天享用這早餐。

一邊食，一邊有很多雀仔一齊分享，很大自然feel。

今日係小太熊生日啊！酒店很體貼地特然免費送來一個Tiramisu，有七八個Staff還一起唱生日歌，小太熊好開心啊！

今日陽光普照，影到間酒店好靚。

食完早餐後，獨霸整個泳池游水，超嘆呀。

泳池旁邊就係Praslin Island最靚的沙灘(我個人的評級)Anse Takamaka。

Anse Takamaka比較窄我細小，但我覺得佢係Praslin Island最靚的沙灘。

游完水四圍參觀，這是SPA Centre，價錢和Banyan Tree一樣貴。

健身室非常開揚。

靚絕的瑜伽房，自己練一練先。

還有時間，返房游水曬太陽，嘆到最後一刻。

終於到12:00要Check out了，約了昨天的司機車我去Constance Lemuria Resort，約20km路程，司機就開價SCR400，平呀。

沿途見到有巨型Snapper賣，司機話一條只係SCR500，有排食。

好快到Constance Lemuria Resort了，又約好司機明天接我去完Vallee De Mai National Park再去碼頭，大行孛Keep在佢架車3.5hr，佢開價只SCR300，比我心諗更平，成交。

Constance Lemuria Resort和Banyan Tree及Raffles Praslin Seychelles一樣，都係用這些哥爾夫球車來接送住客。

今次住最平的房Junior Suite，每晚房連雙人早餐HK$6769，我住右邊地下那間房，房前的花園人人都可行過，簡直零私隱，點睇都似比人呃錢。

圖中所見，所有房都係面向沙灘Grande Anse Kerlan，但不論房間級數，住地下都係冇私隱的。

Junior Suite的房只係普通貨式，晤明點解網上的評價咁好. . .

房間外面的沙灘Grande Anse Kerlan

酒店內除了沙灘，便是哥爾夫球場。

穿過酒店的哥爾夫球場行15min，便到Praslin另一名氣(人氣唔多)沙灘Anse Georgette。

Anse Georgette比昨天去的Anse Lazio靚和少人，但一樣大浪。

玩到累了，行返酒店的另一沙灘Petite Anse Kerlan，這裡有酒吧和餐廳。

Petite Anse Kerlan的餐廳Beach Bar and Grill，價錢超級貴環境平民化，但今晚竟然Fully Booked，唔通老外們個個識種金。

Petite Anse Kerlan面績較細人較多，所以脚印都多啲。

酒店的泳池設計很特別，分上中下三層，上層有個Pool Side Bar，可邊游邊飲嘢，相當寫意。

原本想在泳池游到日落，但小太熊想返去Anse Georgette睇日落，咁當然要立即起行啦。

又行20min回到Anse Georgette，都有三、四丁人一同响沙灘等日落，今日天氣好好，黃昏見到金光。

可惜臨日落開始積雲，今天日落又唔靚了。

回到酒店天黑了，Fully Booked的餐廳亦開始有人氣。

今晚在Petite Anse Kerlan有特別節目，住客和Staff一起跳民族舞，我都跳埋一份。

晚上的泳池和日間一樣咁靚

酒店大堂Reception

酒店大堂酒吧

今日係小太熊生日，但慳家的小太熊話酒店食太貴唔抵，堅持要自己煮，在房慢慢嘆。

今餐食餐肉福麵，自備的三支酒已飲晒了。

食完麵過了一陣，Staff自動把一個蛋糕免費送上房給小太熊，雖然個蛋糕太濕唔多好食，不過都OK啦。

補充資料 :

1.        從Raffles Praslin Seychelles去Constance Lemuria Resort約20km路程，30min車程，的士司機開價SCR400，成交。司機叫Jean-Claude，電話 2592307，佢開價合理，可約定佢响Praslin機場接機。

2.        Constance Lemuria Resort超貴但物冇所值，明揾笨實，完全唔推介。

---待續---