日本中部の秘湯 • 旅舍(2) – 最美麗的第二天 白川鄕

日本中部童話小鎮 白川鄉

白川鄉 是日本中部一個小鎭，這樣出名的人氣小鎮名字我還是第一次聽，真係大鄉里，但原來小太熊想去這小鎮已10年了，多得鄭嘉詠周麗琪那套陳年劇集「最美麗的第七天」，令小太熊一直記着這地方，剛好今次日本五天旅程碰到白川鄉一年只有7日的㸃燈祭，這樣有緣，一定要來走一轉了。

決定行程後，小太熊想訂房在鎮上住一晚，㸃知全部full晒，原來話半年前一公佈㸃燈日期全部房便會立即被訂下了，真瘋狂～～

<<高山>>

日本 高山•白川鄉•奧飛驒 – Day 2

昨晚瞓得好好，今早07：00起身再浸泡溫泉，08：00食早餐。

食早餐的飯廳，今日冇其他客，我地 2個包場啊！

有雪景做配菜，果汁係牛油果汁。

早餐精美，味道就中等啦。

有2片肥美的 味噌朴葉燒飛驒牛，很冶味又香口。

出大廳食埋 飯後果，酸酸地，普通貨式。

10：00 check out乘車回高山市，先把大行李放在今晚的酒店「飛騨花里の湯 高山桜庵」，再出去行朝市。

宮川朝市 每日只營業至12：00，有很多野食的。

先試 小瀬德魚店 賣的「飛驒牛奶」(￥160)，味道似維記銀蓋奶，有些失望。

再吃 飛驒牛肉包(￥360)

個包太鬆冇乜質感，料似梅菜牛肉碎，食唔出係飛驒牛，麻麻地。

呢檔「蛋白綿花糖」(￥100)，幾得意，可以試試。

還有蔬菜、水果、蜂蜜等等，小太熊買了個蘋果(￥130)，好甜好爽脆。

下一站係 高山市 鎮國寺 

11：40返到巴士站排隊，乘11：50的巴士(￥2400)去白川鄉，13：00到埗。

<<白川鄕>>

到白川鄉了，巴士站旁的合掌屋。

沿這吊橋過河，行入村內。

過橋後穿過這神社便到白川鄉大街

同小太熊浪漫地逛逛白川鄕，四處影相。

條村唔係好大，1hr行完了。原本打算唔食lunch的，但小太熊不停叫肚餓，找了幾間餐廳都冇位，最後好彩在大街旁的雪人隔離發現這餐廳還有位,便入去食。

咖哩豬扒飯(￥950），咖哩汁好香，豬扒外鬆脆內肉嫩，非常好食，差點和小太熊爭食。 

味噌朴葉燒飛驒牛西冷定食(￥2100)，品質極高的牛飛驒，好香好滯好好味，非常抵食。

食完飯沿這小路快步行上山頂，排隊入場放腳架影夜景。

嘩嘩！15：10去到已排第23支腳架架，希望入到去啦。

網上聽人講，腳架15：00可以開始排隊，16：00放人入觀景台第二排set架，等到17：30開始㸃燈。

這是觀景台，第一排是留給預約了的旅行團，第二排是腳架區，大約可以放26支腳架，第三排留給散客，但不準用腳架。

白川鄉全景，可惜今日天灰灰。

16：00準時放人入內，好彩仲有位，放完我的腳架後，放多三支便冇位了，排後面啲人唔知㸃呢？

大約17：00已人山人海了。

17：30開始㸃燈了～

由17：30至18：00，睇住天色由灰變黑。

和小太熊一齊睇 白川鄉夜景，很浪漫！

睇到小太熊都話 靚喎靚喎~~

好快18：15，天色全黑了，於是返落山再入村影相。

白川鄕夜景

19：40要走了，因為㸃燈祭期間，來往村內和停車場必須乘坐接駁巴士，因為人太多，我排隊40min才上到車。

19：40已有幾百人排隊等接駁巴士

約了的士司機20：30在停車場等，arm arm趕到，佢亦好準時，即刻開車返高山市。

<<高山>>

21：20返到高山市，在「松喜すし」落車，入去食飯。

冷清酒本釀造300ml(￥900)，送牛肉或刺身都好正。

我食C餐‧風(即係飛騨高山牛加季節壽司套餐)￥3980，有100g飛驒牛西冷(高品質，肉質細嫩牛味香濃，好好味)和時令壽司set (有中拖羅加飛驒牛壽司)，抵食。

小太熊唔想食咁多牛，食A餐‧花(即係12件廚司精選季節壽司套餐)￥3280，只多我2件普通貨但冇了100g牛，卻只平￥700，唔抵啦。

大家都有 麵豉蟹湯，好味道。

焦糖燉蛋很香蛋和蜜糖味，正。紅豆雪糕亦好得。這餐飯好滿意啊！

慢慢walk15min返酒店「飛騨花里の湯 高山桜庵」

雙人房連早餐￥19200，房細細但好乾淨舒適。

在Lawson買了盒飛驒牛奶，極香濃好味，比今日朝市喝的那瓶好得多。

酒店頂層有夜景溫泉浴，仲有益力多任飲。

這露天風呂比昨晚的溫泉更靚啊！

今日節目太豐富，浸到晚黑十二點幾，瞓得覺都點幾鐘了。

補充資料 :

1.         由高山市去白川鄉可在火車站旁乘巴士，車費￥2400，車程約60min。每日約7班車，最早08:50出發，最夜17:20從白川鄉開出。可預先在巴士站票務處買票，亦可唔買票上車先，落車至比錢。人多會加車，唔怕上唔到。

2.         因沒冇夜巴士，想睇點燈又Book唔到旅店的話，只有自駕或乘的士。的士單程由 白川鄉去 高山市收￥25100。

3.         點燈時間由17:30 – 19:30，每年只有約7日，年年不同日期。

4.         想用脚架影白川鄉全夜景，建議15:00前上到山頂排隊，因最多只可旅26支脚架。

---待續---