2014年4月22日

日本中部の秘湯 • 旅舍(3) – 尋找隱世秘湯旅舍 槍見館@奧飛驒

日本中部之究極秘湯 奧飛驒「槍見館」
日本中部 奧飛驒一帶,有很多溫泉秘湯露天風呂,還保留着所餘無幾的男女混浴傳統,而且大都沿河而建,環境絕美,在日本其他區亦不常見到了,怎可以不專程去見識一吓呢。 


<<高山>>

日本 高山白川鄉奧飛驒 – Day 3

昨晚太夜瞓了,但今朝亦只可以瞓到0630。起床第一件事係上天台浸溫泉。昨晚試了內風呂和露天風呂,今朝試埋其餘三個私人風呂,好彩今朝不太多人,可以試晒佢地。

今日天氣很差啊,大清早已有毛毛雨。

私人風呂 東錦


私人風呂 白雪


私人風呂 枝垂


浸泡到0745,落地下餐廳食早餐,坐窗口位。


自助餐好多嘢食,味道OK啦~
0900 Check out行去巴士站,行出酒店即落大雨大到要打傘,麻煩了。


<<奧飛驒>>

09:40 - 11:15從高山市乘巴士到「中尾高原口」站,微雨未停過,從車站行10min,經過這河谷便到另一隱世秘湯「槍見館」。


槍見館大門口


進入大堂,好靚呀!有溫泉蛋和飛驒牛奶賣。


新鮮飛驒牛奶(180),新鮮香濃,牛奶中的極品,唔明白㸃解高山朝市的牛奶差咁遠。


忍唔住口,要多杯 飛驒牛奶雪糕(200),香滑濃郁,好嘢。


因為1400才可以Check in,所以先到附近另一秘湯「佳留宣山莊」嘆嘆先。
2min巴士回到「佳留萱」站,11:59 - 12:01到達「佳留萱山莊」。

入去Reception每人放下¥800,便可享用隱世秘湯,平到笑。


秘湯入口,更衣室就男左女右。但入到去係男女混浴架,圍唔圍毛巾就任得你,我當然唔圍啦,小太熊當然圍到實啦。


內有4個主要露天風呂,分別係:

夢の湯 唔覺有乜特別,浸了5min就走。


望金槍の湯 內有2個大鐵缸盛着温泉水,含礦物質特高,水温超熱。


河鹿の湯 唯一沿河而建的秘湯,環境一絶,泡湯時可同時欣賞河谷雪山景色和靜聽溪流水聲,享樂指數之高絕對可入選日本十大秘湯。


「佳留宣山莊」招牌大露天風呂 洞窟滝見の湯 面績超過4000平方呎,日本數一數二大面積的露天秘湯,泡在其中感覺很壯觀。


這個大風呂亦是男女混浴場,男士就全都鐘意坦蕩蕩,只有女士會鐘意包毛巾。


照咁睇,都係德國巴登巴登的羅馬溫泉浴場好啲。

中午1415回到「槍見館」,先在大廳的火爐旁飲一抔Welcome Drink熱柚子茶。


我住Room 203,每晚房連雙人早晚飯¥30000,房面積不大但樓底超高空間感強,面向河谷再加個火爐,好正啊!


因昨晚只睡了 5hr,攞到房後立即在房內小睡半小時先。醒後雨停了,還重現陽光,於是快快行出去見識「槍見館」的秘湯。

「槍見館」有多個戶外風呂,我覺得比剛才的秘湯更佳。

足湯 沿河而建,可邊賞雪邊泡足。


這室內風呂外觀特別,有一小型水車,但內較普通,冇乜View


內風呂 森の湯 內有瀑布遷秋滑梯,又浸又玩,好啱小朋友。


河伴秘湯 播隆の湯 水池被竹枝遮了大部份雪景,但感覺依然舒泰。


環境更佳的另一河伴秘湯 溪流の湯 播隆の湯開揚得多,是「槍見館」最靚的私人風呂。


「槍見館」的招牌 槍見の湯 是我在日本浸泡過最幽美舒適的溫泉,亦是我想像中最終極的自然溫泉,泡在其中實在快活過神仙。


享受完終極秘湯,1830食晚飯,今晚又係二人包房。


是日晚餐,不比昨晚差啊!但價錢不需一半。


晚餐唔包飲料,我昨晚在Lawson買的 大吟釀180ml(600),另小太熊order 冰烏籠茶(400)


前菜 梅酒(味似藥水) 鮟鱇魚肝豆腐(有濃濃的鮟鱇魚肝味,正嘢。)


雜菌清湯 很清的一味菜。


蠔肉燉什菜 幾香蠔味,唔錯。


味噌朴葉什菜 幾冶味,適合送白飯。


燒河魚 唔掂呀,比昨晚那條更唔好食。


火炙 飛驒牛肉刺身沙律 牛味香濃兼且油份平均,非常香口,十個Like


炸魚天婦羅 普通貨式。


主菜 A5飛驒牛肉鍋 味道和肉質同樣冇得頂呀,肉質鮮嫩牛味香濃,好想再食多次。


Staff在我面前加上醬油湯底


加熱三分鐘即完工,香噴噴。


伴日本雞蛋一齊食,好吃度滿分。


唔夠飽仲有白飯咸菜。


甜品芝麻雪糕都好食。


食飽再浸「槍見之湯」,夜晚一個人都冇,可以霸晒所有戶外秘湯,太幸福了。


晚上睇見館內的飾品都好靚。


臨瞓前當然要再嘆埋火爐先啦~~

最後一晚靚酒店了,明晚要回大阪。






補充資料 :

1.         由高山市去新譓高乘吊車,可在 濃飛巴士站旁的一間AgentJTB買一種叫「奥飛騨まるごとバリューきっぷ」的套票,¥50002日無限㳄坐高山市至新譓高的巴士和一次來回山頂的新譓高吊車。套票在濃飛巴士站票務處冇得賣,必須在JTB」比錢後,拿着收據到濃飛巴士站票務出車票

2.         高山市來回新穗高的巴士很準時,中途尾站的誤差只係約遲7min,亦試過冇遲到。





---待續---

34 則留言:

  1. 河鹿の湯--- hot spring over rural area. I like this natural feel ....and also the mixed style!

    回覆刪除
  2. 一日浸咗咁多次, 一定好舒服喇~~~

    回覆刪除
    回覆
    1. 係呀,整個旅程最舒服係呢一日。

      刪除
  3. 下次又去邊呢? 好期待你下次旅程

    回覆刪除
  4. 名實招牌湯心响望超正大自然湯呂

    回覆刪除
  5. 你好呀!

    我將會去高山-->新穗高纜車-->入住槍見館-->高山

    正考慮買,但見官網提供的時刻表只有三個站:高山--平湯溫泉--新穗高纜車
    因此,想問你乘搭巴士 由高山至中尾高原口,是否屬於旗下的巴士?
    如不是,應該搭那一巴士呢?

    另外,你知道如果由槍見館乘巴士到新穗高纜車站,大約需時多少嗎?

    知否槍見館有沒有提供接送服務?
    謝謝你!^^

    回覆刪除
    回覆
    1. 是呀,只有一間 瀧飛巴士 行這條線,下面有晒時間表。
      http://www.nouhibus.co.jp/wp_rnw/wp-content/themes/nouhibus/routebus/takayama/timetable/hirayu_shinhotaka.pdf
      https://www.nouhibus.co.jp/ch_h/index.html

      我冇問旅館有冇接送啊,因為我一向都係自己行路。

      刪除
  6. 你好,高山既住宿係唔係好貴家? 請問佳留宣山莊係點家? 可唔可以唔住宿但係比錢浸溫泉呀? 因為同男朋友去,想浸混浴,但係有冇得圍毛巾家? 交通方唔方便呢,唔該曬你

    回覆刪除
    回覆
    1. 我住的槍見館每人¥15000一晚,包早晚飯和温泉。
      佳留宣可以淨浸溫泉,每位收¥800,男女都可以圍毛巾的,有巴士從高山駅直達,方便。

      刪除
  7. 男女都可以包毛巾會唔會比人話咖?定出面寫明可以包咖?

    回覆刪除
    回覆
    1. 唔覺有寫唔準包毛巾喎,見個個女生都包,男生通常喜歡用毛巾仔遮住。

      刪除
  8. 你好!如果我想去新穗高搭完纜車,如何前往槍見館?謝謝!

    回覆刪除
    回覆
    1. 纜車站外便有巴士去,總站是高山市。

      刪除
  9. 感覺好有古風
    不過我接受唔到男女混浴

    回覆刪除
    回覆
    1. 聽講日本現在只剩返很少混浴的地方了
      除了這一區,我在屋久島也試過一次😬

      刪除
  10. 由朝浸到晚,真係好享受

    回覆刪除
  11. [每人放下¥800,便可享用隱世秘湯,平到笑] 可能佢地係好普遍, 平得緊要, 試過200YEN 浸到平民湯。

    回覆刪除
    回覆
    1. 後來發現真係很普遍的,很多出名的温泉旅館也招待外賓,價錢都係¥1000左右,唔需要一定去住。

      刪除
  12. 其中一張相 [河鹿の湯前貼的一張] 溫泉旁, 看到似有清潔用品提供- 比較少見, 一般要洗好才可浸, 浸時不可用清潔用品免污染水質。

    回覆刪除
    回覆
    1. 對呀,那些清潔用品是給客人沖涼用的,沖乾淨才浸。

      刪除
  13. [露天秘湯,泡在其中感覺很壯觀] 好舒適的環境! 正

    回覆刪除
  14. [只有女士會鐘意包毛巾] 當然啦! 男女不同啊!

    回覆刪除
  15. [食晚飯,今晚又係二人包房] 其實有時都唔太明, 好少見坐滿晒的景象, 最多也是兩三桌, 可能日人到外邊吃吧!

    回覆刪除
    回覆
    1. 唔係呀,應該係每張枱也有獨立房間,晚上好Full架,見到員工做到氣咳。

      刪除
  16. 回覆
    1. 這旅館好正架,又好食温泉又靚,性價比極高。

      刪除