2014年8月15日

法國 初夏(4) – 擁抱山居歲月 • 做個普羅旺斯人

法國第二大釀酒區 – Burgundy(布根地)的葡萄園

Burgundy(布根地)於巴黎的東南部,是Bordeaux(波爾多)以外法國最大的釀酒區,從巴黎自駕到此約3hr,乘TGV到區內最大的城市是Dijon(第戎)亦非常方便。Burgundy最著名的酒區是Cȏte de Nuits,區內酒莊繁多,包括有Burgundy身價最高的酒莊Domaine Romanée Conti,如想入酒莊參觀,必須預約或參加當地的試酒團,一般會在Dijon出發。

Burgundy(布根地)的風景如詩如畫,酒區以外亦有很多美麗小鎮、特色修道院和餐廳,昨天玩完小鎮Semur-en-Auxois和修道院Abbaye de la Bussière從,今天特別預留了3hr,自駕過覽Cȏte de Nuits區內的酒莊。



法國 初夏 – Day 3

昨晚瞓得好好,今朝08:00起身。由於酒店的早餐太貴,房價唔包,所以冇食。好彩昨天晚餐的麵包剩了好多,留在今朝做早餐。

和小太熊在這花園食隔夜麵包做早餐


食完麵包嘆多一陣,10:00又要離開趕路了。

<<Cȏte de Nuits, Burgundy(布根地)>>

終於起行,今日又比GPS老點行了條多彎又窄的山路,50min的車程又多了30min



今日出車遲了15min,車程又慢了30min,原本已緊迫的行程又要cut了,只好驅車直往Cȏte de Nuits的葡萄園區Morey-St-Denis

Cȏte de Nuits的葡萄園區小鎮Morey-St-Denis



小鎮Morey-St-Denis冇乜人,條街又靜又舒服。



沿路見到的酒莊都關上門不接待遊客的,只有鎮上數間有門市部的酒莊可比錢試酒,但冇得參觀酒桶。

這間Caveau des Musigny有酒試,€77款酒,入面試酒的地方都幾靚架,但冇幫襯呢檔。



Morey-St-Denis另一酒莊門市部,入內試酒。



又係冇客,冇乜試酒氣氛喎。



一場來到,我和團友乙試酒,€5可試5款布根地紅酒,價錢由每瓶€15€45都有。



試呀試呀,我杯杯飲清,但5款都覺得嘛嘛,太酸又唔留香都唔好飲嘅。



試完酒,到附近的 葡萄園兜兜風,風景真係好靚。



由於13:00前一定要離開Cȏte de Nuits,趕在20:00前到達普羅旺斯民宿食住家飯,所以又要Skip景點,直往Burgundy最從一站 – Vosne-Romanee,尋找Burgundy身價最高的酒莊Domaine Romanée Conti

Burgundy小鎮Vosne-Romanee,比剛才路過的更靜更靚。



找到酒莊Domaine Romanée Conti了,但不對外開放,只能望吓佢個葡萄園。



行返落鎮想再試酒,但全部門市都冇開門,可能今日星期六掛。



準時13:00離開Cȏte de Nuits,驅車直往法國南部Provence(普羅旺斯)小鎮Cruis,足足有450km,全程走公路。

中途停車入油加午餐



我和小太熊吃一份芝士火腿包(€5.2),搶餞,凍冰冰但唔難食。


車子駛近Lyon時,GPS又玩嘢,原本應該好地地沿Route A6到達Lyon再駁Route A7,但GPS無啦啦跳Fuse,老點我從A6轉入A46,直飛15min後指示要駛離A46,來個大U-Turn又入返A46,行回頭路去返剛才轉入A46的位置轉返入A6至去Lyon,無啦啦冇咗半粒籦加油錢。


仲未夠,去到Lyon又唔直接轉入Route A7,要响市內兜幾個無謂圈至出指示上A7,直係比佢點到on dog dog

離開Lyon進入南部,耐不耐就見到些雪山,好靚呀。



<<Cruis, Provence(普羅旺斯)>>

19:45終於準時到Cruis了,這小鎮真的很細小。



轉入這小路,便是今晚住的普羅旺斯民宿Vitaverde Le Clau了。



民宿Vitaverde Le Clau – 典型的普羅旺斯民居,內有一小泳池,環境好好架,住响呢度絕對可以體驗普羅旺斯的山歲月,食埋佢夜晚餐住家飯,做個普羅旺斯人。




大屋附近有很多法國蝸牛架,唔知今晚有冇得食呢。



雙人房含早餐每晚€62,超抵住,晚上聽到水聲和蟲叫,氣温適宜。



屋後的大花園,今晚會在這花園吃一頓普羅旺斯的住家飯,做個普羅旺斯人。



晚飯時有十多名法國人,一起坐在這法國傳统的長枱食飯,非常熱鬧。



晚飯有4道菜包水和餐酒,每位只係€25,抵食呀。

餐酒有新鮮 紅酒和Rośe,好清香架。



頭盆 三文魚批 好味呀!我好籦意食。



主菜 雜菜薈羊肉 又多菜又多羊肉,好好味道。



餐後小食 芝士拚盆 正,一次過試晒所有芝士,好好食,伴埋Rośe更加冇得頂。



甜品 草莓奶凍 高水準之作,甜度適中,奶味香濃。

晚上積滿厚雲冇乜星星,明天展開法國南部薰衣草之旅。




補充資料 :

1.         今日駕車500km用了€40入油,公路費€32.3

2.         Burgundy的酒區Cȏte de Nuits自駕到南部Provence(普羅旺斯)小鎮Cruis450km,多行公路,限速130km/hr

3.         要進入Burgundy的酒莊需預約,否則只能在門市部比錢試酒,一般€1試一款酒。

4.         如非熱愛駕車,絕對不建議自駕環遊法國,因為油費和公路費均超高,最後交通費即使有4share亦平唔過公共交通,泊車超麻煩,GPSuser friendly,準確度只有80%,飲了酒又不宜駕車,夜晚又不宜,加上人生路不熟,司機和帶路的人連風景都唔得閒睇,限制多多浪費遊玩時間。最佳安排係乘TGV到南部才出車自駕三兩Day

5.         環遊法國自駕遊在行程編排上必須預留大量時間用作行小山路、休息、揾車位和泊車。





---待續---

21 則留言:

  1. Although having 隔夜麵包做早餐, the fortress view is beautiful.

    回覆刪除
  2. 我有同事去法國玩, 都係自己揸車, 可能佢哋多人一齊去, 又多人識揸車, 聽佢講又好似唔係好辛苦~

    回覆刪除
    回覆
    1. 我哋技術太差了,而且行程都唔hea,所以感到很吃力啊~

      刪除
  3. 我老公揸車超過10年我都唔敢叫佢法國揸呀, 因為網上CHECK過超多限制揸車果個得個做字一D都唔享受架...好彩你地無遇到死火咋, 否則田野間叫天不應真係唔知喊唔喊好~

    回覆刪除
    回覆
    1. 其實去到普羅旺斯至慢慢揸三四日問題唔大,只係長途車又辛苦又唔平又唔好玩啫。
      好彩冇撞車和死火咋,唔係就大鑊了,不過去到波爾多都比賊爆車門偷嘢,都幾可怕~

      刪除
    2. 我試過第一日就係路邊死火, 係 fountainbleu 附近. 要回巴黎, 遲一日繼續自駕, 當年GPS 同 wifi 都未流行. 又唔知自己係邊. 有法國人會停車問下乜事, 不過一聽我地講英文就走. 終於揾到人幫我地, 係路邊坐2個鐘先有拖車拉走我地.

      刪除
    3. 我行程咁趕又Book晒酒店,如果死火便損失大了。

      刪除
    4. 係啊, 宜家先諗起當年無 book 定酒店, 好彩~

      刪除
  4. 民宿Vitaverde Le Clau 超正,晚餐更加冇得頂!

    回覆刪除
    回覆
    1. 呢餐飯的味道我覺得仲好過昨晚食的貴嘢,氣氛亦很Home Feel~

      刪除
  5. 我跟你去咗住 peter 既民宿. wifi 蛋唔 work. GPS 又揾錯地方. 幾驚揾唔到~ 我個星期六朝先 book民宿. Peter 唔得閑, 佢屋企人又去咗 trip. 後來無覆我 dinner. 佢介紹咗間好正既餐廳俾我地!

    回覆刪除
    回覆
    1. 我當日都係跟著GPS去到附近再估估吓地搵,好彩都算順利找到。
      餐廳是在Cruis嗎?

      刪除
    2. 在 cruis 的下下個村莊, 就在路邊只此一家, 好易揾.
      原來附近有另一個地方都有 cruis 呢個字, google map 同GPS 都弄錯了.

      Burgundy 自助遊可以隨便停底影相. 跟 wine tour 又唔係話好飲, 只係多d 解釋.

      刪除
    3. 我果日應該用了民宿的coordinate來set GPS,所以先至冇攪亂位置。
      我在Burgundy試啲酒都係麻麻地~

      刪除
  6. 睇來 dinner 既酒仲好飲~

    回覆刪除
    回覆
    1. 肯定係啦,日頭在酒莊試的酒全部都好酸,十分之麻麻地。

      刪除
  7. 普羅旺斯的住家飯,別有風味

    回覆刪除
    回覆
    1. 餐飯完全地道,在網上只找到2間民宿供應這種普羅旺斯住家飯。

      刪除
    2. 係日本民宿有包過晚餐, 外國就第一次.

      刪除
    3. 我都係第一次在歐洲食住家飯~

      刪除