5天遊 四國(完) – 蠔情 宮島

日本廣島県 宮島大鳥居 – 每天潮退時整座神社會露出水面。

日本宮島，位於廣島県厳島的東北部，從廣島市花1hr左右交通便可來到這裡。宮島上有商店街，很多日本神社、本土食店和野生鹿仔，十分遊客化，在這裡消磨一天半天是遊廣島不錯的選擇。

5天遊 四國 – Day 5(完)

<<廣島市>>

今朝05:30要起床執行李Check out了，因為要趕06:03的電車到広島駅，再轉JR去宮島。朝早非常冷，只有0℃，而且不停落雨。

  

去広島駅的電車很準時，畫一收費￥160，落車比錢。

到達火車站還剩少少時間，小太熊又不停叫肚餓，火車站只有一間麵包店剛開門，一定要幫襯這間店了。

鮮奶包(￥210) – 都幾香軟好味。

JR只需30min便去到宮島口駅，在這有船去宮島，每10min一班，JR Pass包埋程船的。

JR 宮島口碼頭

早上唔算多人，但中午回程時人多到嚇死禾。

<<宮島>>

剛上宮島便見到鹿仔了，禾立即埋去摸了佢一吓，佢唔驚人的，小太熊話唔可以摸架。

在碼頭開始沿海邊行，有小食店開門了。

炸咖哩生蠔包(￥400) – 十分香口多汁好味，隻蠔都唔細，有蠔味。

宮島地標 – 大鳥居，啱啱被潮水蓋過了隻腳，過多2hr整片沙地便變成一片海洋。

厳島神社   一陣間便被海水蓋過沙地了。

宮島 千畳閣

宮島 五重塔•荒胡子神社

宮島 大願寺

宮島上的櫻花剛剛開始開花，冇乜睇頭。

島上四處都是鹿仔，佢哋完全唔驚人的。

宮島名物 安納芋(即係蕃薯)雪糕(￥350) – 雪糕內有蕃薯肉，雪糕軟滑有日本牛奶香，蕃薯肉夠甜好好味。

宮島 櫻花之路，雖然冇乜櫻花，但可以有靚位望到五重塔。

整段櫻花之路都冇乜睇頭，最靚是這株櫻花了。

離開櫻花之路時又見一件鹿仔，係佢主動行埋泥比禾摸架。

宮島的商店街，商舖都開門了，遊人亦非常多，很熱鬧。

宮島蒸饅頭，賣相很吸引，真想食一個，但要留肚食其他嘢。

滿街都賣 廣島蠔燒(每隻￥200) – 很吸引，但要留肚呀。

燒蠔飯團好靚，應該好好味，但要忍......

広島之戀人？平過白之戀人喎。

忍了成朝終於可以食飯了，宮島名店 牡蠣屋，10:00開門，立即衝入去食。

好多生蠔呀，流晒口水，坐低點菜先。

純米吟釀(￥650) – 清新純厚的米酒，第一次用紅酒杯飲日本酒。

廣島生蠔2隻(地御前産生がき)(￥960) – 味道新鮮，口感爽脆，但蠔味道不太濃，失望。

蠔漬(牡蠣屋のオイル漬け)(￥540) – 牡蠣屋名物，像吃蠔屎一樣，蠔味濃時亦很咸。

燒蠔2隻(特選焼きがき)(￥800) – 普普通通，同流浮山吃的燒蠔分別唔大，得個攪字。

炸蠔3隻(特選かきフライ)(￥1620) – 外皮炸得香脆，蠔肉很厚，可惜蠔肉的蠔味道不太濃，OK啦。

蠔飯(かきめし)(￥1080) – 呢味禾最滿意，蠔肉飽滿蠔味較濃，飯粒吸滿蠔汁很有咬口。

生蠔4款(生がき盛り合わせ)(￥1680) – 很普通，味道很淡，爽口。

芝士焗蠔3隻(牡蠣グラタン)(￥1620) – 都係味道平平，比想像中的廣島蠔差得遠。

失望的一餐，想不到在香港吃的廣島蠔比在廣島吃的更香蠔味。

宮島名店「岩村もみじ屋」– 小太熊話這裡的 紅葉饅頭是宮島排名第一的，每件￥90，買了一件，只係普通一件紅豆餅，不過不失。

臨走時再到 大鳥居，海水已經漲滿了。

乘船回到 宮島口之後，按行程到一間人氣食店吃午飯，是間賣炭燒穴子飯的百年老店。

百年老店「あなごめしうえの」– 這裡的炭燒穴子飯聽講話巧巧味道架，今天不是假期，11:30這非午餐時間已經要排幾十人，想賣外賣都話要等一個鐘頭啊，今次又食唔到了。

<<廣島市>>

早啲坐火車返 広島市，慢慢行吓 廣島城。

廣島城的櫻花算開得多了，5日行程最靚是這裡。

廣島城公園內的神社前，小朋友們一人一杯雪糕。

廣島城盛放中的櫻花。

沿着廣島城公園行，不遠便到 原爆遺址。

廣島市 原爆遺址

廣島市 平和記念公園

行完公園已經差不多了，小太熊㨂了一間人氣廣島燒餅，在廣島駅對面的「電光石火 駅前ひろば店」，是間位於大廈「フルフォーカスビル」6/F的食店。

在平和紀念公園乘的士(￥920)前往「フルフォーカスビル」。

大廈「フルフォーカスビル」6/F共有十多檔食店賣 廣島燒餅，但全部冇客，最多亦只有2個人。

「電光石火 駅前ひろば店」– 全層6/F的食店只有這裡就全店滿座，啱啱有2人埋單，唔駛等真好彩。

烏龍茶(￥250)；冷清酒(￥600)

師傅們快手快腳同一時間製作10件燒餅，功架十足。

電光石火廣島燒餅(每件￥1050) – 可以選擇烏冬麵或拉麵底，每件燒餅都有大量椰菜，雞蛋和少量豬肉，加埋獨門醬汁，好冶味。

還有少少時間，在廣島駅的商場買了些食物上JR再食。

福岡士多啤梨(左)(￥735) – 上年在福岡都要￥1100，而且這包很甜很多汁；佐賀士多啤梨(右)(￥430) – 分2層共24粒，雖然細粒但一樣咁甜，價錢只係香港的25%，太抵食了。

広島鮮牛奶(￥160) – 牛奶味非常香滑濃郁，極品。

原味蛋糕卷(￥1028) – 在火車站大堂買的，見佢個樣很似 由布院B-speak的蛋糕卷所以買，味道當然差得遠啦，佢的忌廉沒有很香的日本牛奶味，蛋糕亦沒有濃列雞蛋香，但質感是好的，比起香港買HK$150一條的蛋糕卷好好多。

乘15:56-18:26的JR直達關西空港，坐21:00-23:55 Peach Airline回香港。

補充資料 :

1.     Hong Kong Express 香港飛關西空港單程每位HK$2893(冇餐冇得寄行李)。

2.     Peach Airline關西空港飛香港單程每位HK$2919(冇餐冇得寄行李)。

3.     ¥100兌HK$6.98 (滙豐價)。

4.     JR-West Rail Pass(関西至広島區)(¥13000)，可以5天任坐關西的JR，從關西空港至宮島，亦可以去到 四國的“高松”或“宇多津”。

-----5天遊 四國(完)-----